Ich denke, einer der die Sache endlich richtig einzuschätzen weiß und mir aus der Seele spricht (in Oberfränkisch).

Fränkische Eindrücke zu einem Countryabend
Country Cruiser beim ASV Buchenbühl

Do hom doch die Country Cruiser a ganz neis Lokol gfund’n, Sportgaststätte Buchenbühl, Wildenfelsweg 9 (nicht Saalbau Buchenbühl. Der Wert Claus Schmeling a alter Biker (natürli Harley versteht si) und Amerika Fan seit seiner Jugend Country Music Anhänger bsonders Blue Grass. Di Wertschaft wo er mit sein Partner Kuno Kerber betreibt is a wunderscheens Lokal 120 bequeme Sitzplätz große Tanzfläche und zwa Nebenreim für rund 70 Personen. Und dee zwaa oder wer a immer, hom fir den 14.8. des Lokol su liebeful und mit vill geschmack aff amerikanisch dekoriert. Des hobt der fei werkli schee gmacht!. Die Speise und Getränkekart’n sehr reichli und vo die Preise her sehr angenehm. A Bier 2 € und a Whisky mit Cola ab 1.50€ für die Jackytrinker kost scho a weng mehr. Noja und die Country Cruiser hom natierli widder alte und neie Titel aus Ihr’n großen Reportwar Super gspillt. Die Line Dancer von Buchenbühl hom in ganzen omd die große Tanzflächn’n fir sich in Anspruch gnumma. Do worn nu 2 Pärler Two Stepper di hom mit aller mai groodnu außenrum a wenig a plätzla zum tanzen gfund’n. Mir is afgfalln dass sugor vo der selben Tanzgruppn bei einige Titel unterschiedlich tanzt worn is. Des sicht so schee aus wenn in jeder Eck’n wos anders tanzt wert. Super. Scheinbar wir etz des Mode dass die Lince Dance Gruppen fir die Pause a CD dabei hom und dou sinn natierli blos die Dance draaf wo die Grupp’n eistudiert hom und kenna. Es sinn zwoor nu a poor andere Gäst a dou abber die soll’n gefälligst zouschaua wall dai suwisu nett mittanzen kenna, wall ja jder Möchtegern „Tanzlehrer“ nu a mool an Schritt dazou und nu a mool a Drehung nach rechts oder links neiflickn mous. Haptsach is, des is andersch wai bei die andern. Di Band sollt’n dennen Ihrer CD’s nett spilln, weil einfach andere Tänzer a nu do sin, wall dai ja net wecher dennern Linedancer Ihrer CD kumma sinn, sondern wecher der Band. Also doo mou I etz scho amal a Beispiel bringa. Nem a mool des Achy Breaky Heart. Do homs wi des aufkumma is überrol des gleiche tanzt. Des woor eigentli a tanz den rechtvill konénnt homm und wee die Band des gschpillt hot, hom si alle di wo des kennt hom weiter in der Line nachanander aufgstellt und mittanzt. Do woor des a richti scheen’s Line Dance. Dann nach anna gewissen Zeit sinn bei Achy Breaky di Hausfrauen Gymnastler mit Ihrn Fensterputzer dazou kumma, rumkupft sin’s wie im Kindergarten. A bissla später hot nou su a Moderner Tanzlehrer zu den Fensterputzer nu a wenig a Margarena und Ententanz dazu bastelt. Und etz tanzen’s des Achy Breaky schoo als Opposit Dance dass bloß kanne andern mehr mittanzen kenna. Etz fehlt blos nu der Anton aus Tirol, oder der Zillertaler Hochzeitsmarsch dann hom’s aus den scheena Line Dance an S……-Dance gmacht, wo jeder des tanzt wo nern gfällt. Wos hast eigentli Line Dance ????? Eigentlich moisat des bei uns Durchanander Dance has’n. Warum mou eigentli vo di klassischen Line Dance su weit wegganga wern? Aber des war trotzdem a scheiner Abn’d bis umma Ans hom mers auskaltn’n. Der Wert will etz öfters was mach’n, wer gout in den scheena Lokal. Im Vertrauen brachst abber nett weitersong hot er zu mir gsacht, do hom si a poor aafgrecht wall i 20% aff Essen und Getränke Aufgschlong hob, bei freia Eintritt. Ersten wors aff der Speisekat’n gschdanten dass aff Essen und Getränke 20% aufgschlong wert. Ich hob gessn’n und a por Bier trunken wall i ja an Autofohrer dabei kabt hob und des is mir immer nu günstiger kumma als 6 € Eintritt. Bei manche dai wo blos a Wasser trunk’n hom is natürli des scho gscheit teier worn. In der Hoffnung dass I widder a por neie freind gfunden hob bis zum nechsten kritischen Bericht natürli widder in fränkisch.

Heinz Louis

P.S.: Hoffe Du bist mir nicht böse, Deinen Artikel auf dieser Seite zu finden.
         Trifft haargenau auf unsere Situation zu!!!

zurück